ന്റെ തോന്നലുകളുടെ കണക്ക് പുസ്തകം

നീ വലുതായി...! ആരോ എന്നോ പറഞ്ഞ് കേട്ട ആ വാക്കിൽ നഷ്ടമായത് ഒരു വിരൽത്തുമ്പിലെ സ്വാതന്ത്ര്യമായിരുന്നു..അമ്മയുടെ!  എങ്കിലും ഓർമയുടെ സാരിത്തുമ്പിൽ ചുറ്റി ഇന്നും ആ പഴയ കാലത്തു വട്ടം ചുറ്റാറുണ്ട് അടുത്ത വീട്ടിലെ കണാരേട്ടന്‍െറ വരിക്ക പ്ലാവിൽ വലിഞ്ഞു കേറിയതും പുളിയുറു൩ിന്റെ കടി കൊണ്ട് പുളഞ്ഞതും അമ്പലകുളത്തില്‍ കൂട്ടുക്കാരൊത്ത് മുങ്ങാകുഴിയിട്ട് നീന്തിയതും ,  അനിയനോട് വഴക്കിട്ട് അപ്പുറത്തെ തൊടിയില്‍ ഒാലപ്പുരക്കെട്ടി താമസ൦ ആക്കിയതു൦ വൈകിട്ട് വിശന്നപ്പോള്‍  തിരിച്ചുവന്നതു൦ ഓർമയിൽ ചിരിയൊടെ നിൽക്കുന്നു.. ഈ കഥ നടന്നതും ഏതാണ്ട് ആ സമയത്ത് തന്നെ ആണ്. ഞാൻ ഒന്നിൽ പഠിക്കുന്ന കാലം! വികൃതി പയ്യൻ എന്ന പേര് ഒരു അലങ്കാരമോ അഹങ്കാരമോ ആയി കൊണ്ട് നടന്ന കാലം! അന്നെനിക് ഒരു കളി പേരുണ്ട്. അത് കേള്‍ക്കുന്നത് ഇന്നു൦ ഇഷ്ടമല്ലാത്തതു കൊണ്ട് ഇവിടെ പറയുന്നില്ല. ആ പേര് വിളിച്ചു ഒാടിയ എന്റെ കൂട്ടുകാരൻ നിഖിലിനു പുറകെ ഒാടിയ ഞാൻ ക്ലാസ്സിലെ കട്ടിളപ്പടിയിൽ തട്ടി താഴെക്കുള്ള മൂന്ന് സ്റ്റെപ്പില്‍ ഒന്നുപ്പോലും വിടാതെ മു‍ഖമടിച്ചു വീണു. ആരോ വന്നു വലിച്ചെന്നിപ്പിച്ച് നോക്കിയപ്പോ വായിൽ നിറയെ ചോര..! ഒന്നു രണ്ടു കവിൾ ചോര മൊ...

തേങ്ങുമെൻ ഹൃദയമീ ജീവിതവേളതന്‍ തീരത്തിലെവിടെയോ വഴിതെറ്റിയലയുന്ന തോണിപോലെ ... ജീവിതനൗകതന്‍ ഭാരം വഹിച്ചു ഞാനെങ്ങോ മുടന്തി നടന്നിടുന്നേന്‍.... കരയുന്ന മ൪ത്യനെ കറയാക്കി മാററുന്ന നരകലോകത്തിലറിയാതെ ഉഴറുമെന്‍ ഹൃദയവും ദാഹജലത്തിനായ്... ഇനി വയ്യ ദേഹമേ.. ഇനിവയ്യ! വറുതിതന്‍ അടിമത്തമായ് മരുഭൂവില്‍ കാലങ്ങളറിയാതലഞ്ഞിടുവാന്‍.. (2) വിടതരു അംബികേ.... വിടതരു അംബികേ ശിഥിലമോഹങ്ങളെ മമഹൃത്തിലൊരു കോണില്‍ ചിതയായെരിച്ചിടാന്‍... അവിടെന്നുയരണം വ൪ണങ്ങളേകണം ചിതല്‍പ്പെട്ടുപ്പോയൊരു സ്വപ്നസ്വ൪ഗ്ഗങ്ങളെ.... കാടാറുപാതകളില്‍ അറിവിന്‍െറ തീരമതില്‍ ഒരു പഥികനായി നിന്നെ പുണ൪ന്നിടേണം... സ്വപ്നസ്വ൪ഗ്ഗങ്ങളെ... സ്വപ്നസ്വ൪ഗ്ഗങ്ങളെ പ്രണയ ത്വ രാ൪ത്ഥരായി നിറവി ൻ്റെ അറിവി ൻ്റെ ഹൃദയതാളങ്ങളായ്.. ജീവിതയാത്രതന്‍ സായൂജ്യമായിടാന്‍ ലക്ഷ്യങ്ങളവയൊരു ഓ൪മ്മപ്പെടുതലായ്.. മുന്നോട്ട് മുന്നോട്ട് പോയിടേണം മുന്നോട്ട് മുന്നോട്ട് പോയിടേണം....

          മുഷിഞ്ഞ ജനാല കർട്ടൻ ആരോ വലിച്ചു നീക്കിയപ്പോൾ ആണ് ഉറക്കം ഉണർന്നത്; ഉണർന്നു എന്ന് പറയാൻ ആവില്യ, കണ്ണ് തുറന്നില്ല ,കണ്ണടച് ഒരൊന്നാലോചിച്ച് അങ്ങനെ കിടന്നു.. ‘ആരാ എന്റെ സുഖനിദ്രക്ക് ഭംഗം വരുത്തിയത്!’ എന്ന തന്റെ തന്നെ പഴയ നാടക ഡയലോഗ് ഓർത്തു ചിരിച്ചു.. ഓ അന്നകുട്ട്യെട്ടത്തി ആയിരിക്കും അപ്പുറത്തെ വീട്ടിലെ..എന്നെക്കാൾ രണ്ട് വയസിളപ്പാണു എന്നാലും അന്നകുട്ട്യെട്ടത്തിന്നേ വിളിക്കു.. പഴയ ശീലാണു ഇനി മാറ്റാൻ വയ്യ.. കഞ്ഞികൊണ്ടുളള  വരവാണ്.. വൈകിട്ട് ഒരു നെഞ്ചെരിച്ചില് ഉണ്ടാർന്നു,  ഗ്യാസ്ന്റെ ആ ചുവന്ന ഗുളിക കഴിച്ച് നേരത്തെ കിടന്നതാണ്.. എന്തായാലും കണ്ണു തുറക്കണ്ട എന്നു തന്നെ തീരുമാനിച്ചു..അല്ലെങ്കിൽ ഔപചാരികതയുടെ ഭാണ്ഡം അഴിക്കണം ഈ വയസ്സുക്കാലത്ത് എന്തിനാ വെറുതെ എന്ന് ഉപചാരം മൊഴിയണം.. നന്ദിയുടെ മേനി നടിക്കണം.. വയ്യ! ഉറക്കം തീരാത്ത പോലെ കിടന്നു.. നെഞ്ചെരിച്ചില് പാടെ മാറിയിരിക്കുന്നു, എങ്കിലും കൈകാലുകൾക്ക് വല്ലാത്ത മരവിപ്പ്..ഇന്ന് ഇനി എങ്ങും പോവാൻ വയ്യ! ഇവിടെങ്ങാന്നും കിടക്കാം..            ഇത് അച്യുതൻ നായർ;  റിട്ടയെർഡ്  ഹെഡ് ക...